Covid19VD SatheesanVeena George

‘പി ബിജു മരിച്ചത് തലയിൽ ചക്ക വീണാണോ? കളിയാക്കിയതല്ല’; കൊവിഡ് മരണക്കണക്കിനെ ചൊല്ലി ഭരണ പ്രതിപക്ഷ തർക്കം

തിരുവനന്തപുരം: സംസ്ഥാന സർക്കാർ കൊവിഡ് മരണ നിരക്ക് കുറച്ചു കാണിക്കുകയാണെന്ന ആരോപണവുമായി പ്രതിപക്ഷ നേതാവ് വിഡി സതീശൻ. പി ബിജുവിന്റെ മരണം കൊവിഡ് മരണ പട്ടികയിൽ ഇല്ലെന്ന് ചൂണ്ടിക്കാണിച്ചാണ് വിഡി സതീശൻ രംഗത്തെത്തിയത്.

കൊവിഡ് അല്ലാതെ മറ്റെന്തെങ്കിലും അസുഖം മൂലമാണോ പി ബിജു മരിച്ചത്. ചക്ക വീണതുകൊണ്ടാണോ ബിജു മരിച്ചത്? ഞാൻ കളിയാക്കിയതല്ല, കൊവിഡ് നെഗറ്റീവായെങ്കിലും രോഗാവസ്ഥ കൂടിയതിനാലാണ് പി ബിജു മരിച്ചതെന്ന് പ്രതിപക്ഷ നേതാവ് പറഞ്ഞു. ഒരാൾ ചക്കവീണ് മരിക്കുകയും മരണാനന്തര പരിശോധനയിൽ കൊവിഡ് പോസിറ്റീവാകുകയും ചെയ്താൽ അത് കൊവിഡ് മരണമാണെന്ന് പറയാൻ സാധിക്കുമോയെന്നുള്ള ആരോഗ്യ മന്ത്രിയുടെ ചോദ്യത്തോടായിരുന്നു സതീശന്റെ പ്രതികരണം. [post_ads]
“ലോകാരോഗ്യ സംഘടനയുടെ മാനദണ്ഡം അനുസരിച്ചാണ് കൊവിഡ് മരണങ്ങൾ റിപ്പോർട്ട് ചെയ്യുന്നത്. ഒരാൾ അപടകത്തിൽ മരിക്കുകയും മരണാനന്തര പരിശോധനയിൽ കൊവിഡ് പോസിറ്റാവുകയും ചെയ്താൽ അത് കൊവിഡ് മൂലമാണെന്ന് പറയാനാവില്ല. കുറച്ചുനാൾ മുമ്പ് ഒരാൾ ചക്ക തലയിൽ വീണ് മരിച്ചു. മെഡിക്കൽ പരിശോധനയിൽ അദ്ദേഹം പോസിറ്റിവാണ്. അത് കൊവിഡ് മരണമാണെന്ന് പറയാൻ സാധിക്കുമോ?” എന്നായിരുന്നു ആരോഗ്യ മന്ത്രിയുടെ ചോദ്യം.

ആരോഗ്യ സ്ഥിതി മോശമായതിനെത്തുടർന്നാണ് പി ബിജുവിനെ വെന്റിലേറ്ററിൽ പ്രവേശിപ്പിച്ചത്. പിന്നീട് ഹൃദയ സ്തംഭനത്തെ തുടർന്നാണ് മരണം. ബിജുവിന്റെ മരണം കൊവിഡ് മരണ പട്ടികയിലില്ല. കൊവിഡ് നെഗറ്റീവായ ആളുകൾ ബ്ലാക്ക് ഫംഗസ് ബാധിച്ച് മരിക്കുന്നുണ്ട്. ഫംഗസ് ബാധയ്ക്ക് കാരണം കൊവിഡല്ലേയെന്നും വിഡി സതീശൻ ചോദിച്ചു.
കൊവിഡ് മരണ സ്ഥിരീകരണ മാനദണ്ഡം മാറ്റണമെന്ന് സതീശൻ ആവശ്യപ്പെട്ടു. മരണ കണക്കിൽ ആരോഗ്യ പ്രവർത്തകർക്കു പോലും സംശയമുണ്ടെന്നും വീഴ്ച ചണ്ടിക്കാണിക്കുന്നത് ഇകഴ്ത്തലല്ലെന്നും സതീശൻ പറഞ്ഞു.[post_ads_2]

Related Articles

Leave a Reply

Your email address will not be published. Required fields are marked *

Back to top button