കല്‍പ്പറ്റ: വയനാട് പാർലമെന്‍റ് മണ്ഡലത്തിലെ ആരോഗ്യ പ്രവർത്തകർക്ക് രാഹുൽ ഗാന്ധിയുടെ ഓണസമ്മാനം. രണ്ടായിരത്തോളം വരുന്ന ആശാവർക്കർമാർക്കും പെയിൻ ആൻഡ് പാലിയേറ്റീവ് വനിതാ നഴ്സ്മാർക്കും ഓണസമ്മാനമായി സാരികള്‍ വിതരണം ചെയ്തു.
മണ്ഡലത്തിലെ ആശാ വർക്കർമാർ, പെയിൻ ആൻഡ് പാലിയേറ്റീവ് വനിതാ നഴ്സുമാർ, റവന്യൂ, പൊലീസ്, ആരോഗ്യ വകുപ്പ് ഉദ്യോഗസ്ഥർ എന്നിവർക്ക് ഓണാശംസകൾ നേർന്നുകൊണ്ട് രാഹുൽ ഗാന്ധി എം.പിയുടെ ആശംസകാർഡുകള്‍ നേരത്തെ എത്തിയിരുന്നു. പിന്നാലെയാണ് ഓണസമ്മാനവും എത്തിയത്. ഓണക്കോടിയുടെ വയനാട് പാർലമെന്‍റ്തല വിതരണോദ്ഘാടനം വണ്ടൂരിൽ ആശാവർക്കർമാർക്ക് നൽകി കൊണ്ട് എ.പി അനിൽകുമാർ എം.എൽ.എ നിർവ്വഹിച്ചു,
Post a comment