തമിഴ്‌നാട്ടിൽ കൊവിഡ് വ്യാപനം രൂക്ഷമായ ചെന്നൈ അടക്കം നാല് ജില്ലകളിൽ സമ്പൂർണ ലോക്ക് ഡൗൺ പ്രഖ്യാപിച്ചു.


തമിഴ്‌നാട്ടിൽ കൊവിഡ് വ്യാപനം രൂക്ഷമായ ചെന്നൈ അടക്കം നാല് ജില്ലകളിൽ സമ്പൂർണ ലോക്ക് ഡൗൺ പ്രഖ്യാപിച്ചു. വെള്ളിയാഴ്ച മുതൽ ഈ മാസം മുപ്പത് വരെയാണ് കടുത്ത നിയന്ത്രണങ്ങൾ. അതേസമയം, 24 മണിക്കൂറിനിടെ 44 മരണവും 1843 പുതിയ കേസുകളും റിപ്പോർട്ട് ചെയ്തു. ആകെ കൊവിഡ് കേസുകൾ 46000 കടന്നു.

രാജ്യത്ത് കൊവിഡ് കേസുകളുടെ എണ്ണത്തിൽ മഹാരാഷ്ട്രയ്ക്ക് പിന്നിലാണ് തമിഴ്‌നാട്. ചെന്നൈ, കാഞ്ചീപുരം, ചെങ്കൽപ്പെട്ട്, തിരുവള്ളൂർ ജില്ലകളിൽ രോഗം അതിവേഗം പടരുന്നതിനിടെയാണ് ഇവിടങ്ങളിൽ സമ്പൂർണ ലോക്ക്ഡൗൺ കർശനമായി നടപ്പാക്കാൻ തീരുമാനിച്ചത്. സംസ്ഥാനത്ത് റിപ്പോർട്ട് ചെയ്യുന്ന എഴുപത് ശതമാനം കേസുകളും ചെന്നൈയിൽ നിന്നാണ്.

ആവശ്യസർവീസുകൾ മാത്രം നാല് ജില്ലകളിലും അനുവദിക്കും. അടിയന്തര സാഹചര്യങ്ങളിൽ അല്ലാതെ ഓട്ടോയും ടാക്‌സിയും സ്വകാര്യ വാഹനങ്ങളും അനുവദിക്കില്ല. ജനങ്ങൾക്ക് രണ്ട് കിലോമീറ്റർ ചുറ്റളവിലെ കടകളിൽ നിന്ന് അവശ്യസാധനങ്ങൾ വാങ്ങാം. പാൽ, പച്ചക്കറി, പലവ്യഞ്ജനക്കടകളും, മൊബൈൽ ഔട്ട്‌ലെറ്റും തുറക്കാം. അതേസമയം, 44 മരണവും 1843 പുതിയ കേസുകളും കൂടി റിപ്പോർട്ട് ചെയ്തതോടെ ആകെ രോഗബാധിതർ 46504ഉം, മരണം 479ഉം ആയി. ചെന്നൈയിൽ മാത്രം 1257 പുതിയ കേസുകൾ റിപ്പോർട്ട് ചെയ്തു. ഇവിടെ ആകെ പോസിറ്റീവ് കേസുകൾ 33243 ആയി

Ετικέτες

Post a comment

[facebook][blogger]

MKRdezign

{facebook#https://www.facebook.com/nerrekha24x7/} {twitter#https://twitter.com/nerrekha} {pinterest#https://in.pinterest.com/nerrekha/} {instagram#https://www.instagram.com/nerrekha/}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget